Իրավունքի հմայքը նաև նրանում է, որ այն անդադար զարգանում է, իսկ «ԹԻ ԱՐ ԼՈ ՖԸՐՄ» ընկերության փաստաբաններ Տաթևիկ Սարգսյանի և Նանե Ղազարյանի ջանքերի շնորհիվ կորպորատիվ իրավահարաբերությունների յուրահատուկ բնույթն ընդգծվեց թիվ ԵԿԴ/4634/02/16 քաղաքացիական գործով կայացված ՀՀ վճռաբեկ դատարանի նախադեպային որոշմամբ:
Փաստաբանների առջև դրված խնդիրն էր կարմիր գծով տարանջատել հետևյալ հասկացությունները՝
Այսպիսով՝
2021 թվականի սեպտեմբերի 30-ին ՀՀ վճռաբեկ դատարանը ԵԿԴ/4634/02/16 գործով հրապարակեց որոշում, որով անդրադարձ կատարեց հետևյալ երկու իրավական հարցադրումներին՝
Որոշմամբ արձանագրվում է, որ կորպորատիվ տեսանկյունից բաժնեմասը չի կարող համարվել ընդհանուր համատեղ սեփականություն, քանի որ վերջինս հանդիսանում է կորպորատիվ իրավահարաբերությունների օբյեկտ և ունի առանձնահատուկ կարգավորում, իսկ վերջինիս օտարումը չի հանդիսանում համատեղ գույքի տնօրինում, քանի որ «Սահմանափակ պատասխանատվությամբ ընկերությունների մասին» ՀՀ օրենքի 21-րդ հոդվածի համաձայն, ընկերության մասնակցի ընկերությունից ցանկացած պահի դուրս գալու իրավունքի իրացման համար որևիցե նախապայման չի պահանջվում, դա մասնակցի բացարձակ, որևէ մեկի կամքով չպայմանավորված կորպորատիվ իրավունքն է, որը մասնակցի և ընկերության համար առաջացնում է կորպորատիվ բնույթի հարաբերություն։ Ուստի, Վճռաբեկ դատարանը եզրահանգում է, որ սահմանափակ պատասխանատվությամբ ընկերության մասնակցի՝ ընկերությունից դուրս գալը կորպորատիվ իրավունքի իրացում է, այլ ոչ թե ամուսնության ընթացքում ձեռք բերված համատեղ գույքի տնօրինում:
Ընկերության փաստաբանների հաղթանակը ոչ միայն կարևորվում է իրենց վստահորդների շահերը փայլուն պաշտպանելու, այլև ՀՀ-ում կորպորատիվ իրավունքի զարգացման նոր ուղղություն հիմնելու տեսանկյունից: